Харамсалтай нь Арда Туран энэ шийдвэрийг тун таагүй нөхцөлд гаргасан байна. Болсон үйл явдлын товчхон сөхвөл өнгөрсөн Даваа гарагт Турк шигшээ баг Македонийн эсрэг тоглож гоолгүй тэнцсэн юм. Харин энэ тоглолтоос буцаж явсан Туркийн багийн онгоцонд маргаан гарсан бөгөөд Арда Туран Milliyet (Туркийн өдөр тутмын хэвлэл) сониний сурвалжлагч Билал Мэсэтэй маргалдсан байна. Энэ үл ойлголцол хэрээс хэтэрч Арда Туран сурвалжлагч залуугийн хүзүүг боож, хэл амаар доромжилжээ. Харин энэ үйлдлийг нүдээр үзсэн Туркийн шигшээ багийн дасгалжуулагч  Фатих Терим түүнийг багаас хасах шийдвэр гаргажээ.

Онгоцонд болсон маргаан намжсан ч Турк улсад газардсны дараахан Арда Туран шигшээ багаасаа зодог тайлснаа албан ёсоор зарласан юм.   Тэрбээр энэ тухай өөрийн инстаграм хуудсаараа дамжуулан мэдээлсэн бөгөөд “Туркийн багийн онгоцонд шигшээ багт огт хамааралгүй хүмүүс сууж явсан” нь түүнд таагүй сэтгэгдэл төрүүлсэн гэдгийг ч нуугаагүй байна.  

Г.Баяраа