"Формула 1"-ийн арвин их түүхтэй багуудын тоонд багтдаг Уильямс багийн 40 жилийн ой энэ онд тохиож байгаа. Тэгвэл өнгөрсөн амралтын өдөр тус баг Их Британийн Силверстөүн авто тойруулгад ойн баяраа тэмдэглэжээ. Ирэх долдугаар сард болох Британийн гранприг угтаж хийгдсэн энэ арга хэмжээнд Уильямс багийн үе үеийн нисгэгчид, инженерүүд болон багийн удирдах албаны хүмүүс ирж оролцсон байна.

Энэ үеэр тэд багийн түүхэн дэх шилдэг загваруудыг үзэгчдэд дахин танилцуулж, зарим сонгодог загваруудыг уралдааны замд гаргасан байна.

Анх 1977 онд Сэр Фрэнк Уильямсийн үүсгэн байгуулсан тус баг 40 жилийн хугацаанд олон амжилтыг үзүүлсэн бөгөөд  зохион бүтээгчдийн цомыг 9 удаа хүртсэн байдаг. Мөн долоон өөр Дэлхийн аварга нисгэгч төрсөн түүхтэй. Эдгээрийн дунд домогт Алайн Прост, Нэлсон Пикье, Нико Росбергийн аав Кике Росберг нарын нисгэгчид багтдаг аж.

Г.Баяраа