ЕХБХ-ны хамгийн нэр хүндтэй тэмцээн болох Аваргуудын лигт энэ жил Испанийн Реал Мадрид баг ялалт байгуулсан байна. Жил дараалан цом өргөж байгаа анхны баг болсон тэд энэ жилийн тэмцээнд түрүүлснээр нийт 89.5 сая еврог халаасласан байна. Гэхдээ финалд тэдэнтэй өрсөлдсөн Ювэнтус клуб аваргуудаас илүү их мөнгөн эзэн болсон юм. Италийн аваргууд энэ жилийн тэмцээнээс нийт 101.1 сая еврог халааслажээ. Энэ нь Аваргуудын лигийн түүхэн дээд амжилт болсон бөгөөд өмнө нь ЕХБХ-оос 100 дээш сая еврогын шагнал, ашиг хүртсэн баг байгаагүй юм.

Хоёр багийн мөнгөн шагналын дэлгэрэнгүйг хүргэвэл 

Хоёр багийн мөнгөн шагналыг эргэн харвал ийм байна. Дэд байрыг эзэн Ювэнтус клубын хувьд Хэсгийн тоглолтын үр дүнгийн бонус болон Телевизийн ашгаас илүү их хэмжээний мөнгө хүртсэн нь хүснэгтээс харагдаж байна.

Үүнээс хамгийн гол зөрүү нь телевизийн ашиг дээр гарсан юм. Учир нь Испанийн телевизийн ашгийн нийт 4 баг хуваасан бөгөөд эдгээрийн 23 нь хасагдах шатанд шалгарсан тул нэг багт ноогдох мөнгөн хэмжээ багассан байна. Испанийн багуудад нийт 70 сая евро оногдож байснаас Барселона 24.6 сая, Реал Мадрид 20 сая, Атлетико Мадрид 17 саяыг тус тус хүртсэн бол Реал Сосьедад 8.5 сая еврог мөн халааслажээ.

Харин Италийн Ювэнтусийн хувьд байдал огт өөр байлаа. Италийн багуудад нийт 58.2 сая евро ноогдож байсан ч Рома, Милан зэрэг олон дэмжигчтэй том багууд энэ жилийн тэмцээнд оролцоогүй учраас, Ювэнтус их хэмжээний ашиг хүртэх нь тодорхой болоод байсан юм. Нийт мөнгөн багахан хэсэг нь л Наполигийн дансанд орж байгаа юм.

Г.Баяраа