Английн Премьер лигийн удирдлагууд өнгөрсөн улирлын шагнал болон ТВ-н гэрээний ашигийн хуваарлалтыг албан ёсоор танилцжуулсан байна. Сонирхуулахад өнгөрсөн жилээс эхлэн АПЛ-н телевизийн гэрээний үнэ эрс өссөн учраас үүнийг дагаал багуудын хүртэх ашиг 50-60% нэмэгджээ. Үүний нэг тод жишээ нь 2015-16 оны ялагч Лестер сити баг 93.2 сая фунт стерлинг авч байсан бол энэ жил хамгийн сүүлийн байр эзлэж Премьер лигээс хасагдсан Сандерлэнд клуб тэднээс ихийг буюу 93.4 сая фунтын эзэн болжээ. Үүнээс шууд дамжуулалт, телевизийн гэрээний үнийн өсөлтийг шууд харж болох юм.

Ингээд та бүхэнд өнгөрсөн 2016-17 оны улиралд багуудын хүртсэн шагнал, телевизийн ашигийн дэлгэрэнгүйг хүргэе. Хамгийн их мөнгийг өнгөрсөн улирлын аварга Челси баг авч байгаа бөгөөд нийт мөнгөний хэмжээ нь 150 саяаас давжээ. Аварга багийн шагналд 38.8 сая фунт нь ирсэн бол үлдсэн хэсэг нь Телевизийн гэрээнээс орж ирсэн байна. Өнгөрсөн улирлын туршид Челси багийн нийт 28 тоглолт өргөн нэвтрүүлэгийн сувгаар үзэгчдэд шууд хүрчээ. Мөн Мансити, Ливерпүүл, МанЮ зэрэг олон дэмжигчтэй том багуудын хувьд өмнө орсон багуудаасаа илүү их мөнгө халаасласан байна.