Дэлхийн устаж буй амтны аймгийн нэгэн төрөл болох Мазаалай баавгайд бүх нийтийн анхаарлыг хандуулах зорилгото “Мазаалай Цом 2017” тэмцээн маргаашнаас эхэлнэ. Бартаат замын авто спортын холбооноос зохиож байгаа цом булаалдах энэхүү тэмцээн маргааш, нөгөөдөр гэсэн хоёр өдөр Морингийн даваанд болно. Тэмцээний эхний өдөр TR1 буюу сонирхогчийн ангилал, UTV ангилалд явагдана. Тэгвэл нөгөөдөр TR3 буюу мэргэжлийн, Truck буюу том оврын авто машины ангилалуудад болно.

Энэ удаагийн тэмцээнийг Зөв Монгол ТББ, ЦЕГ хамтран зохион байгуулж байгаа юм. Хоёрдох жилдээ уламжлал болгон зохиогдож байгаа уг тэмцээн нь өнгөрсөн жил тэмцээнийхээ дараа УАЗ-469, Ланд Крүзер-77, УАЗ Фургон гэсэн гурван машиныг мазаалай хамгаалах санд хандивлаж байсан юм. Өнгөрсөн жилээс ялгагдах онцлог нь том оврын машины буюу truck ангилал нэмэгдсэнээрээ онцлогтой болох гэнэ. Тус тэмцээнд 200 гаран тамирчин оролцохоор нэрээ өгөөд байгаа юм байна.

Б. Энх- Амгалан