Хэдийгээр НБА-ын шигшээ цуврал эхлээгүй байгаа ч Голдэн Стэйт Уорриорсын сүпер од Стэфэн Көрри дэлхийн хамгийн өндөр оргилд гарлаа. Тэр өөрөө гэхээсээ илүү түүний нэр бүхий өмсгөл оргилд гарсан гэвэл илүү тохиромжтой байх.

Учир нь Голдэн Стэйтийн хөгжөөн дэмжигч Нямаа Тэнжи Шерпа долоо дахь удаагийн Эверестийн ноён оргилыг эзлэх дайралтынхаа үеэр  өөрийн шүтээн болсон сагсчин Стэфийн өмсгөлийг оргил дээр мандуулсан байна. Энэ нь найм дахь жилдээ лигт тоглож буй Стэфийн хувьд долоо дахь жилийнхээ дараа буюу энэ жил лигийн оройд гарахыг бэлгэдэж байгаа бололтой.

Одоо харин Кливлэндийн фэнүүд ЛэБроны өмсгөлийг ямар  нэгэн өндөрлөгт гаргаж хариу барих үлдлээ.

Б. Энх-Амгалан