Цахим спортын Фнатик клуб өөрсдийн “League of Legends” тоглоомын төрөлд багийнхаа ахлах дасгалжуулагчаар Дилан Фалког сонгосноо зарлалаа. Фалкогийн хувьд өмнө нь Соло Мид, Энвая, Имморталс, Эйч2К, ЭлСиЭс скуад зэрэг багт байсан цахим спортын ертөнцөд олны танил нэгэн юм. Тэрээр Эйч2К болон ТСМ багуудад шинжээч хийж байх хугацаандаа үлэмж амжилт гаргаж байсан билээ. Үүнийхээ дараа имморталс багийг дасгалжуулж хоёр ч удаа плэй оффт оруулж байсан юм. Харин Энвая багт өнгөрүүлсэн он жилүүдэд 10-р байрнаас дээшээ гарч байгаагүй юм.

Фнатикын хувьд Өмнөд Солонгост байршсан бэлтгэлд гарахынхаа хажуугаар дасгалжуулагчийн эрэлд гараад байсан байна. Дасгалжуулагчийн ажилд горилж хэд хэдэн дасгалжуулагч Ази тивийг зорьсон боловч Фалко сонгогдсон байна. Фнатик багийнхан 2017 оны “EU LCS Spring split” тэмцээний үеэр Нико Дэ Пико хочит Николас Кросгардаас зам салснаас хойш байнгын дасгалжуулагчгүй байсан юм. Өдийг болох хугацаанд багийн менежэр Финлай “Куайэ” Стьюарт түр хугацааны дасгалжуулагчаар ажиллаж байлаа.

Б. Энх- Амгалан