Сумо бөхийн барилдааны 10 дах өдрийн барилдаанууд өчигдөр явагдаж өндөрлөлөө. 10 өдрийн дараах байдлаар Хакухо М.Даваажаргал, Харумофүжи Д.Бямбадорж нар арван даваа нэг ч унаагүй амжилтаар тэмцээнийг итгэл төгс тэргүүлсээр байна. Харин сүүлийн жилүүдэд Японоос төрөн гарсан цорын ганц Ёкозуна болох Кисеносато хоёрдох өдрөө дарааллан өвдөг шороодлоо. Ингэснээр тэрээр 6-4 гэсэн амжилттай болж тэргүүлэгчдийн эгнээнээс хол тасарлаа. Харин тэргүүлэгчдийн хойноос 2 унаатайгаар нэхэж байгаа Озеки Тэрүнофүжи Г.Ган-Эрдэнэ маань комосүби Ёошиказэгаар даваагаа ахиулснаар наймдах даваагаа авч тавин хувийн амжилтанд хүрсэн юм. Одоо харин Монголын бусад сумочид ямар амжилттай үргэлжлүүлж байгааг толилуулая.

Тамаваши Мөнх-Оргил /сэкивака/    7-3

Чиёошима Мөнхсайхан /барууны 2/ 2-8

Такайнойва Баасандорж /зүүний 5/  5-5

Ичиножо Ичинноров /зүүний 9/         4-6

Араваши Дөлгөөн /зүүний 11/           3-7

Кёкшүхо Эрдэнэбаатар /жүрё зиндааны 2/ 6-4

Харин тэмцээнийг тэргүүлэгчдийн хойноос маэгэширагийн арваас босон барилдаж байгаа Точиношин 8-2, маэгэширагийн 10 Ура 8-2, маэгэширагийн тав Шодай 8-2 гэсэн амжилттайгаар нэхэж явна. Сэкивака Такаяасү өчигдөр Хакуход унаснаар 8-2 гэсэн амжилттай болж тэргүүлэгчдээс 2 унаагаар холдлоо.Тэмцээн дуусахад ердөө таван өдөр үлдээд байгаа. Тэгвэл үлдсэн өдрүүдэд цолтой бөхчүүд хоорондоо учраа тааран барилдах юм.

Б.Энх-Амгалан