Исламын нөхөрлөлт орнуудын дөрөв дэх удаагийн тоглолт Азербайжаны нийслэл Баку хотноо 10 хоног үргэлжилсний эцэст хөшгөө хаалаа.

Өчигдөр тэмцээний сүүлийн төрлүүд явагдаж ширээний теннис, У-шу, талбайн теннис гэсэн спортын гурван төрөлд аваргууд тодорсноор дөрөв дэх удаагаа зохиогдож байгаа тус тоглолт хөшгөө хаалаа.

Тэмцээнд 56 орны баг тамирчид Баку хотноо спортын 21 төрөлд хурд хүчээ сорьсон юм. Азербайжаны тамирчид 75 алт, 50 мөнгө, 37 хүрэл, нийт 162 медал хүртэж медалын чансаагаар тэргүүллээ. Харин Туркын баг  тэднээс 4 алтан медалын дутуугаар чансааны хоёрт орсон. Нийт медалын тоогоор Туркын баг тамирчид 71 алт, 67 мөнгө, 57 хүрэл медалтайгаар бүх улсыг тэргүүлсэн юм. Бусад улс орон тус тоглолтонд хэрхэн оролцсоныг хавсарган хүргэе.