Формула 1-н ДАШТ-ий шинэ оролцогчдийн нэг Хаас баг энэ долоо хоногт болох Монакогын гранприд шинэ өнгө төрхтэйгөөр уралдах болжээ. Өнгөрсөн улирлаас эхлэн тэргүүн ангилалд өрсөлдөх болсон Америкийн баг өмнө нь Улаан, Хар, Саарал өнгүүдийг түлхүү ашигладаг байсан бол энэ долоо хоногоос эхлэн хар өнгүүдээ эрс багасгаж, саарал өнгийг түлхүү ашиглахаар болсон байна. Энэ сонголт нь машины өнгийг илүү бараан болгож өгсөн байна. Мөн машин дээрх дугаарын байрлалыг бага зэрэг өөрчилж, хэмжээг ч томрууж өгсөн байна.

Энэ улиралд VF-17 загварын машинаар уралдаж байгаа тус багийн нэрийн өмнөөс Ромен Грожан (Франц), Кевин Магнуссен (Дани) нар уралдаж байгаа юм.

Багийн гүйцэтгэх захирал Гюнтер Штайнерийн хэлснээр баг шинэ өнгө төрхөө улирал дуустал өөрчлөхгүй гэнэ.  

Г.Баяраа