Английн Тоттенхэм клубын хамгаалагч Дэнни Рөүс улирлын төгсгөлийг талбайн гадна өнгөрүүлж байгаа. ФА цомын тэмцээний хагас шигшээ тоглолтын үеэр тэрбээр өвдөгний гэмтэл авсан гэгдэж байсан ч үнэн хэрэгтээ удаан хугацаанд гэмтэлтэй тоглож байсан гэнэ. Д.Рөүс энэ оны нэгдүгээр сард Сандерлэнд клубын эсрэг хийсэн тоглолтын үеэр зүүн өвдгөндөө гэмтэл авч, удаан хугацаанд зовиуртай тоглосон байна.

Тэгвэл улирлын үр дүн нэгэнт тодорхой болсон учраас ирээдүйтэй хамгаалагч үлдсэн тоглолтуудыг орхиж, өвдгөндөө мэс засал хийлгэхээр болжээ.

Сонирхуулахад тэрбээр энэ зун Манчестер Юнайтед багийн мэдэлд очих магадлал бий. The Sun сэтгүүлд бичсэнээр Улааны чөтгөрүүд Тоттэнхэмд 3 тоглогчийг хамтад нь 110 сая фунтээр худалдан авах санал өгөөд байгаа бөгөөд үүнд Кайл Уолкер, Эрик Дайер, Дэнни Рөүс нарын тоглогчид багтаад байгаа юм.  

Г.Баяраа