Хэзээнээс таарамжгүй харилцаатай Пакистан, Энэтхэг улсууд салбар бүрт хүчтэй өрсөлдөөнийг гаргадаг уламжлалтай. Газар нутаг, хилийн маргаанаас үүдэлтэй сөргөлдөөн 20 хүрэхгүй жилийн өмнө дайн самуунаар үргэжилж, одоог хүртэл бүрэн шийдэгдээгүй байгаа. Тэгвэл эдгээр улсыг адилтгах нэгэн зүйл байдаг нь крикетийн спорт үндэсний хэмжээнд хүртлээ хөгжсөн юм. Гэхдээ Дэлхийн шилдэг багуудын тоонд багтах Энэтхэгийн баг тамирчид тогтмол илүүрхэж байсан түүхтэй. Харин 2017 онд Пакистаны шигшээ багийн гишүүд шинэ түүхийг бичжээ.

Доминиканы Розо хотод шигшээ багуудын сорил тоглолт болж байгаа бөгөөд Пакистан – Энэтхэгийн багуудын өрсөлдөөнд  Пакистанчууд ялалт байгуулжээ. Энэ ялалт нь спортын төдийгүй, улсынх нь түүхэнд тод бичигдэж үлдэх нь лавтай. Учир нь 2 баг 1958 онд анх хоорондоо сорил тоглолт хийж, нийт  101 сорил тоглолт болсноос бүгдэд нь Энэтхэгийн баг хожоод байсан бөгөөд Пакистаны багийн анхны ялалт нь энэ байсан юм.

Түүхэнд тэмдэглэгдэн үлдэх энэ ялалтыг байгуулсан багийн гол тоглогч Ясир Шах, Юнус Хан нарын туршлагатай тоглогчид үндэсний баатарын хэмжээнд үнэлэгдэж байна.    

Г.Баяраа