WRC буюу Раллигийн ДАШТ-ий энэ жилийн 6 дахь уралдаан Португал улсад болно. Ирэх долоо хоногийн баасан гарагт болох тус уралдаан 19 үе шаттайгаар 349 км зайд болох хуваарьтай байгаа. Тэгвэл энэ жилийн уралдааны бүртгэл бүрэн явагдаж дууссан бөгөөд уралдааны түүхэндэх хамгийн олон оролцогчтой гараа болох нь тодорхой болжээ. Нийт 65 машин энэ уралдаанд оролцох бөгөөд эдгээрийн 14 нь доод ангилалд орж ирсэн шинэ нисгэгчид байх юм.

50 жилийнхээ ойг тэмдэглэж байгаа Португалийн раллигийн хувьд бүхэлдээ шороон замд болдог уламжлалтай. Энэ жил Японы Тоёота Газоо, Францын Ситроен, Их Британийн Эс-Спорт гэсэн багууд тус бүр 4 нисгэгчээ оруулахаар болсон байна. Эдгээр тамирчдийн 2 нь дээд ангилалд, 2 нь доод ангилалд тус тус оролцохоор болжээ.

Тэгвэл Бельгийн тамирчин Тьерри Нэвилл тэргүүтэй Хьюндэй багийн хувьд Португалийн раллид 3 тамирчинтай оролцох болоод байна.

Г.Баяраа