Германы Бундеслигийн шилдэг баг Байерн Мюнхен клуб хамгаалагч Ольгер Бадштуберийг энэ зун явуулах болсноо албан ёсоор мэдэгдлээ. 28 настай хамгаалагч Байерн клубын өсвөрийн академиас хөлбөмбөгчний замналаа эхлүүлсэн байдаг. Тэрбээр 2009 онд анх үндсэн багт багтаж байсан бөгөөд өдийг хүртэл 119 тоглолтыг Мюнхэний багийн нэрийн өмнөөс хийжээ.

Бэртэл гэмтлийн улмаар хангалттай сайн тоглолтыг үзүүлж чадахгүй байсан тэрбээр энэ улирлыг Шальке 04 багийн бүрэлдэхүүнд өнгөрүүлсэн. Зээлээр тоглосон тэрбээр ердөө 6 тоглолтонд оролцсон гэсэн үзүүлэлттэй багтайгаа эргэн нэгдэж байгаа юм.

Г.Баяраа