Шарлотт Хорнетс баг өнгөрсөн улиралд 36 хожил, 46 ялагдалтай Дорнод бүсийн 11 дүгээр байранд орж тааруухан нэгэн улирлыг үдсэн билээ.

Плэй-оффын гадна үлдсэн багууд амралттай байгаа энэ үеэр Хорнетс багийн эзэн, домогт Майкл Жордан нэгэн мэдэгдлийг хийгээд амжлаа. Тэрбээр ирэх улиралд өөрийн багаа Жордан брэндийн логотой өмсгөлтэй тоглох талаар олон нийтэд зарлалаа. Ингэснээр Хорнетс Жордан брендийн өмсгөлтэй тоглох NBA-ийн цор ганц баг болж байгаа юм.

Энэ жил Шарлотт Хорнетс багийн албан ёсны дэлгүүр шинэчлэгдсэний дараа Жордан брэндийн логотой өмсгөл хөгжөөн дэмжигчдийн гарт очих боломжтой болно.

Г.Мижгээ