NBA-ын плэй-оффын нэгдүгээр шатны тоглолтууд гайхалтай үргэлжилж байна. Тоглолтын үеэр сагсчид өөрсдийн фэйсбүүк, инстаграм , твиттер гэх зэрэг сошиал медиа талын бүх хэрэгслээ  хааж өөрсдийгөө бэлддэг бол зарим тоглогчид улам идэвхитэй ашиглаж, нийгмийн сүлжээгээр дайралт хийдэг тохиолдол бий.

Тэгвэл дорнод бүсийн плэй-оффын эхний шатанд учраа таарсан Атланта Хокс болон Вашингтой Уизардс багийн цуврал гурав дахь тоглолтын дараа Уизардсын довтлогч М.Моррис эсрэг багийн тоглогч Пол Миллсапд хандан  ‘’Чи бол уйланхай жаал, шүүгчийн үлээлт болгонд чи уйлагнасаар байдаг ‘’ гэсэн бол Пол тэр дор нь ‘’Хожигдсон бол зүгээр л зочид буудал руугаа буц’’ гэсэн айхтар хариуг өгчээ. Тухайн тоглолтод Атланта Хокс талбай дээрээ ялалт байгуулсан бол цувралын дөрөв дэх тоглолт яг одоо үргэлжилж байна.

Г.Мижиддорж