Монголын хөлбөмбөгийн холбооны 2 том цомыг хүртсэн багууд шинэ улирлын нээлтийн тоглолтыг хийж, супер цомын төлөө өрсөлддөг уламжлалтай. Энэ жилийн хувьд 2016 оны Хүрхрээ Үндэсний лигийн аварга Эрчим, 2016 оны Холбооны цомын аварга Хангарьд багууд супер цомын төлөө өрсөлдөх юм.

Уг сонирхолтой тоглолт энэ долоо хоногийн ням гарагийн 18:00 цагт болно. Хөлбөмбөгийн холбооны цэнгэлдэхэд болох энэ тоглолт үзэгч, дэмжигчдэд нээлттэй үнэ төлбөргүй болно гэдгийг холбооныхон онцолж байна.

Сонирхуулахад МХБХ-ноос анх 2011 онд супер цомын төлөөх тоглолтыг зохион байгуулсан бөгөөд өмнөх таван тоглолтод бүгдэд нь Эрчим клуб ялалт байгуулаад байгаа юм. Энэ жил  Хангарьд баг тэдний ялалтын цувралыг зогсоож чадах уу гэх асуултын хариу ням гарагт тодорхой болно.

Г.Баяраа

Эх сурвалж: MFF