Боксын уламжлалт Тайландын эзэн хааны цомын тэмцээн Бангкок хотноо болж өндөрлөлөө. Уг тэмцээнд манай улсаас долоон боксчин оролцсоноос Риогийн олимпийн мөнгөн медальт, МУГТ Д.Отгондалай алтан медаль хүртэв.

Тэмцээний эрэгтэйчүүдийн -60 кг-ын жинд тулалдсан  МУГТ Д.Отгондалай мөнгөн медалийн төлөө Кубын Дариаски Палмер Каррионтой тулалдаж өрсөлдөгчөө ялсан. Харин аваргын төлөө эзэн орны боксчин Сомча Вонгсувантай тулалдаж ялалт байгууллаа.

 Мөн  тэмцээний -49 кг-ын жинд ОУХМ Г.Ган-Эрдэнэ хүрэл медаль хүртсэн. Ийнхүү манай улсын хоёр боксчин алт, хүрэл медаль хүртсэн амжилтаар Тайландын эзэн хааны цомын тэмцээнийг өндөрлүүллээ.

Г.Тэгшсүрэн