Ерөнхий сайд Л.Оюун-Эрдэнэ Саудын Араб, Эмират улсад ажлын айлчлал хийнэ • • Ажилчдын байр болон оффисын өрөө шатжээ • • ӨНӨӨДӨР: “Үндсэн хуулийг дээдлэн шүтэх ёс” номын уншлага болно • • Улаанбаатарт 2 хэм дулаан байна • • Тогтвортой санхүүгийн форумаар ХАА-н салбарын ногоон шилжилтийг онцолно • • Монгол Улсын Ерөнхийлөгч У.Хүрэлсүх: Ногоон хөгжлийг эрчимжүүлэхэд үндэсний зөвшилцөл нэн чухал • • Б.Одбаяр: Ирэх оноос хотын гол гудамж, замуудын явган замыг стандартын дагуу өргөтгөн шинэчилнэ • • Улаанбаатарт өдөртөө үүлэрхэг, цас орно • • ШИНЭ ГАВЬЯАТУУДДАА ХҮНДЭТГЭЛ ҮЗҮҮЛЛЭЭ • • “Эрдэнэс Оюу Толгой” ХХК Ажлын байрны нээлттэй сонгон шалгаруулалт зарлалаа • •
Азийн хөгжлийн банк ХАА-д хөрөнгө оруулалт хийнэ
2016-05-31

Монгол Улсын засгийн газраас Азийн хөгжлийн банкны санхүүжилтээр “Хөдөө аж ахуй, хөдөөгийн хөгжлийн төслийн нэмэлт санхүүжилт” төслийг тус банкны хөнгөлттэй зээлийн хөрөнгөөр 2016-2020 онд хэрэгжүүлэх гэж байна.

 

Дээрх төсөл нь агробизнесийн чиглэлийн хувийн аж ахуйн нэгжүүдийн нэмүү өртгийн сүлжээг хөгжүүлэхэд хөрөнгө оруулах замаар хөдөө аж ахуй, хөдөөгийн хөгжлийг дэмжин, ядуурлыг бууруулах зорилготой юм.
 
Төсөлд мах, сүү, сүүн бүтээгдэхүүн, арьс шир, ноос ноолуур, эрчимжсэн аж ахуй, жимс, жимгэнэ, зөгийн аж ахуй, хүлэмжийн аж ахуй, шилмэл малын үржил, үрийн үйлдвэрлэл /улаанбуудай, хөх тариа, арвай, гурвалжин будаа, малын тэжээл, хүсний ногоо болон эмийн ургамлын үр үйлдвэрлэл/ зэрэг салбарууд хамрагдах боломжтой. 
 
 
Оролцохыг хүссэн аж ахуй нэгжүүд дараахь ерөнхий шаардлагыг хангасан байх юм. Үүнд:
  • • МУ-ын холбогдох хуулиудын дагуу бүртгүүлсэн ХК, ХХК, хоршоод,
  • • Монголын талын эзэмшил 50-иас доошгүй хувь байх, 
  • • Бизнесээ доод тал нь 2 жил явуулж буй, хэрвээ шинээр бизнес эхэлж байгаа тохиолдолд амжилттай болохоо харуулсан бизнес загварыг арилжааны банк дэмжсэн тохиолдолд
  • • Сүүлийн 3 жилийн санхүүгийн тайлангаар цэвэр ашгийн хэмжээ 2.5 хувиас дээш байх
  • • Хүсэлт болгож буй төслийн хэмжээг хангах барьцаа хөрөнгөтэй байх, 
  • • Төслийн нийт зардлын 15-иас доошгүй хувийг бэлэн мөнгө болон бусад хэлбэрээр өөрийн эх үүсвэрээс санхүүжүүлэх чадвартай байх,
  • • Төслийн эдийн засгийн  дотоод өгөөж нь 12 хувиас дээш байх,
  • • Түүхий эдийн тогтсон, найдвартай эх үүсвэрийг баталгаажуулсан,
  • • Барилга байгууламж, газар худалдан авах буюу түрээсээр ашиглах албан ёсны гэрээ байгуулсан байх, 
  • • Байгаль орчинд сөрөг нөлөө үзүүлэхгүй, Монгол улс болон АХБ-ны байгаль орчны шаардлагыг хангах үйл ажиллагааг явуулах зэрэг үндсэн шаардлагуудыг тавьсан байна. 
 
Үүнээс гадна арьс шир, ноос ноолуурын салбарт тусгай шаардлагуудыг тавьж байгаа юм. Төслийн зээлийг ГОЛОМТ, ХААН, ХАС, ХУДАЛДАА ХӨГЖЛИЙН банкууд олгох юм. Төслийн талаарх дэлгэрэнгүй мэдээллийг дараах банкуудаас авах боломжтой.
Shuud.mn
Сонин хачин