УИХ-ын чуулганы үдээс хойшхи хуралдаан эхэллээ. Үдээс хойшхи хуралдааныг УИХ-ын дэд дарга Р.Гончигдорж даргалан явуулж байна. Хуралдааны эхэнд УИХ-ын дэд  дарга Р.Гончигдорж “Шударга ёс” эвслийн бүлгийн даргаар  О.Баасанхүүг томилсныг танилцуулав.  Сонгуулийн хуулин дахь намын жагсаалтаар сонгох заалтыг хууль зөрчсөн гэж ҮХЦ дүгнэсэн. Төрийн байгуулалтын байнгын хорооны хуралдаанаар Цэцийн дүгнэлтийг хүлээж авахыг дэмжсэн.

Харин чуулганы хуралдаанаар дээрх асуудлыг хэлэлцэхэд “Шударга ёс” эвслийн бүлэг завсарлага авсан. Үүнтэй холбогдуулан  “Шударга ёс” эвслийн бүлгийн  дарга О.Баасанхүү “Манай бүлэг өнөөдөр хуралдаж бүлгийн даргын асуудлыг хэлэлцсэн. Дараагаар нь ҮХЦ-ийн дүгнэлтийг хэлэлцлээ. УИХ-аар ҮХЦ-ийн дүгнэлтийг хэлэлцээгүй байхад амралтын өдрүүдээр ажлын хэсгүүд гаргаж ажиллуулна гэсэн сураг байна. Манай бүлгийн завсарлагааны хугацаа дуусаагүй байгаа. УИХ-ын Дэгийн хуулийн дагуу  5 хоногийн завсарлага авсан. Энэ хугацаа ирэх даваа гаригт дуусна” хэмээн тайлбар хийв.

Н.Энх