Засгийн газрын өнөөдрийн хуралдаанаар Гэр бүлийн хүчирхийлэлтэй тэмцэх тухай хуулийн шинэчилсэн найруулгын төслийг бусад хуульд оруулах нэмэлт өөрчлөлтийн төслийн хамт хэлэлцээд УИХ-д өргөн мэдүүлэхээр тогтсон байна.

Монгол Улс 2004 онд анх Гэр бүлийн хүчирхийлэлтэй тэмцэх тухай бие даасан хууль гаргасан ч холбогдох байгууллагуудын эрх хэмжээ, оролцоо хариуцлагыг хэт ерөнхий эсвэл салангид байдлаар тусгасан, хохирогч, түүний гэр бүлийн гишүүдийн аюулгүй байдлыг хамгаалах асуудлыг орхигдуулсан зэрэг нь энэ чиглэлийн гэмт хэргийг оновчтой шийдвэрлэхэд хүндрэл учруулж байгаа.

Дээрх хууль хэрэгжиж эхэлснээс хойшхи 8 жилд хохирогчийн аюулгүй байдлыг хамгаалахаар шүүхээс гаргасан 41 шийдвэрийн нэг нь ч хэрэгжээгүй байна.