“Ноёд” группийн захирал Г.Буяндоржийг бусдыг залилсан байж болзошгүй гэх үндэслэлээр зургаан сар хориод сулласан. Харин түүнд залилуулсан гэх С.Билэгт гэгч эмэгтэйд өнгөрсөн оны аравдугаар сард Баянзүрх дүүргийн цагдаагийн хэлтэст эрүүгийн хэрэг үүсгэн шалгаж эхэлсэн.

Одоогоор энэ хэрэг эцэслэн шийдвэрлэгдээгүй байгаа. Гэтэл “С.Билэгтийн “Ноёд” констракшны захирал байх  эрхийг шүүхийн шийдвэрийн дагуу хасчээ. Гэвч тэрбээр шүүхийн шийдвэрийг үл хүндэтгэн тус компанийн захирал гэж бусдад итгүүлэн, их хэмжээний мөнгө залилж бусдын эд хөрөнгийг дур мэдэн зарцуулсан байна. Мөн түүнийг шалгах зургаан хүний бүрэлдэхүүнтэй ажлын хэсэг Баянзүрх дүүргийн Цагдаагийн хэлтсийн тушаалаар байгуулагджээ” гэх мэдээлэл олон нийтэд хүрсэн байна.

Өнөөдөр С.Билэгтийн өмгөөлөгчид хэвлэлийн бага хурал зарлаж дээрх мэдээлэл нь худал. Хэрэг эцэслэн шийдвэрлэгдээгүй байхад С.Билэгттэй холбоотой олон нийтийг төөрөгдүүлэх мэдээлэл гарч байна хэлсэн. Тэд С.Билэгтийн өмгөөлөгч Р.Оюунцэцэгийн нэр дээр хүсэлт гарган С.Билэгтийг шалгах тушаалыг Баянзүрх дүүргийн Цагдаагийн хэлтсийн дарга гаргасан эсэхийг тодруулахад түүнийг шалгах зургаан хүний бүрэлдэхүүнтэй ажлын хэсэг байгуулах тухай даргын тушаал гараагүй болохыг мэдэгджээ.

Б.Буд