Зах зээлийн хашнаас хямд үнэтэй “Буянт-Ухаа 1” хорооллоос орон сууц худалдаж авах иргэд өчигдрөөс эхлэн ТҮЦ машинаар бүртгүүлж байгаа. Захиалгын бүртгэлийн ажил 14 хоногийн хугацаанд явагдах бөгөөд үүний дараа хүсэлт гаргасан иргэдийн мэдээллийг 3 дугаар сарын 30-ны дотор холбогдох байгууллагууд нягталж шалгах юм.

:

Ингэхдээ:

:

 -Хүсэлт гаргагч иргэн өмнө нь болон одоо орон сууц эзэмшиж байсан эсэх

-Банк санхүүгийн байгууллагад орон сууцны зээлтэй эсэх

-Банк санхүүгийн байгууллагад чанаргүй зээлийн өртэй эсэх

-Нийгмийн даатгалын шимтгэлийг сүүлийн 2 жил тасралтгүй төлж байсан эсэх

-Төрийн албан хаагчийн хувьд төрийн байгууллагад ажиллаж байгаа эсэх

-Хөгжлийн бэрхшээлтэй иргэдийн хувьд Засгийн газрын журамд заасан шаардлагад нийцэж байгаа эсэх

зэргийг холбогдох эрх бүхий байгууллагуудын мэдээллийн сангаас шүүх аж.

:

Улаанбаатар хотын хэмжээнд одоогийн байдлаар доорх 16 цэгт ТҮЦ машин байрлаж байна.

1. Хан-уул дүүрэг, 10-р хороо, Чингис хаан ОУНО-ны буудал дотор
2. Орбитын хуучин эцэс, Зүүн алдар дэлгүүрт
3. Хар хорин захын замын хойно “Миний” дэлгүүрт
4. Сонгино-хайрхан дүүрэг, тамгын газрын байр, 1 цонхны үйлчилгээ
5. Сонгино хайрхан дүүрэг, 11 хороо, Хөтөлийн буудлын дэлгүүрт
6.  Баянгол дүүрэг, 7 хороо, Улаанбаатар Төмөр замын буудал, Билетийн касс 1 давхарт
7.  Хан-уул дүүрэг, 2-р хороо, 19 үйлчилгээний төвийн супермаркет дэлгүүр дотор
8. Чингэлтэй дүүрэг, 4-р хороо, Тэнгис кино театрын үйлчилгээний танхимд
9. Сүхбаатар дүүрэг, 1-р хороо, Төв шуудан дотор үйлчилгээний танхимд
10. Сүхбаатар дүүрэг, Мэдээллийн Технологийн Үндэсний  Парк дотор
11.  Сүхбаатар дүүрэг, 6-р хороо, Нэгдсэн үндэстний гудамж 9, Нийслэлийн улсын бүртгэлийн газар
12.  Улсын бүртгэлийн Ерөнхий газар
13. Чингэлтэй дүүрэг, 12-р хороо, 32 тойргийн номин худалдааны төв дотор
14. Чингэлтэй дүүрэг, 18-р хороо, 7 буудлын эцэст “Бүрэн плаза” худалдааны төв дотор
15. Баянзүрх дүүрэг, 14-р хороо, Хос худалдааны төвийн 3-р давхарт (Сандэй плаза замын эсрэг талд)
16.  Баянзүрх дүүрэг, 18-р хороо, Офицеруудын ордны зүүн талд “Цэцэндэлгэржин” худалдааны төв дотор

:

Иргэд “Буянт-Ухаа 1” хорооллын захиалгын бүртгэлийг хийхдээ зөвхөн ганц удаа л доорх м2-тай орон сууцнаас сонгож захиалах юм. Тус хороололлын нийт 1575 айлын орон сууцнаас иргэд сонгож захиалга өгөх боломжтой аж.

-33.47м2, 39.47м2,  42.32м2 бүхий 1 өрөө байр тус бүр 225, нийдээ 675 ширхэг

-33м2, 49.72м2, 51.78м2 бүхий 2 өрөө тус бүр 225, нийдээ 675 ширхэг

-66.88м2 бүхий 3 өрөө байр 225 ширхэг

:

А.Энхжаргал