Энэ сарын 5-нд буюу өнгөрсөн мягмар гаригт Ховд аймаг дахь Зэвсэгт хүчний 123 дугаар ангийн байлдагч Д харуулынхаа цэг дээр сургуулийн сумаар өөрийгөө буудсан хэрэг гарчээ. Тэрбээр Увс аймгийн Сагил сумаас 2013 оны нэгдүгээр ээлж буюу тавдугаар сард цэргийн албанд татагдаж ирсэн нэгэн аж. Байлдагч Д өдгөө Ховд аймгийн Нэгдсэн эмнэлэгт эмчлүүлж байгаа бөгөөд биеийн байдал сайн байгаа гэнэ. Гэвч аймгийн цагдаагийн хэлтсээс түүнд эрүүгийн хэрэг үүсгэн шалгаж байгаа аж.