Нийслэлийн Иргэний танхимд 09.00 цагаас /Орчлон сургуулийн замын эсрэг талд/ нийслэлээс анх удаа хэрэгжүүлж буй “Иргэдийн оролцоотой төсөв-2014” хэлэлцүүлгийн хүрээнд хороо бүрт ажиллаж иргэдийг мэдээллээр хангах албан хаагчидтай нийслэлийн удирдлагууд уулзаж, чиглэл өгнө. Тус арга хэмжээнд Нийслэлийн ИТХ-ын дарга Д.Баттулга, нийслэлийн Засаг дарга Э.Бат-Үүл нар оролцоно.

-Хөдөлмөрийн яаманд 09.00 цагт “Ядуурлыг бууруулахад Мэргэжлийн боловсролын ур чадварыг сайжруулах нь” сэдэвт хэлэлцүүлэг зохион байгуулна. Хэлэлцүүлэг Монгол -Солонгосын политехникийн коллежид болно

-Блю скай төвд 10.00 цагт ААНБ-ын дунд “Эрүүл амьдралын төлөө хамтдаа” хууль, эрх зүйн уралдаант тэмцээнийг зохион байгуулна. Уг тэмцээн Архидан согтуурахтай тэмцэх тухай хууль, Тамхины хяналтын тухай хуулийн хэрэгжилтийг хангуулах, аж ахуйн нэгж, байгууллага иргэдийн хууль, эрх зүйн мэдлэгийг сайжруулах зорилго оршино.

-Азийн сангийн санхүүлжилтээр Дарь эхийн гэр хорооллын нэг гудамжийг иж бүрэн тохижуулсан бөгөөд 10.00 цагаас тохижилтийг нээх үйл ажиллагаа болно. БЗД-ийн 21-р хороо 46-р гудамж буюу Дарь эхийн Петровис ШТС-ийн эсрэг талын гудамж

-Төрийн ордоны Г танхимд

10.00 цагаас Шадар сайд Д.Тэрбишдагва харъяа агентлагийн удирдлагуудтай "Ард түмэн-Хаан" үндэсний форумын талаар мэдээлэл хийнэ.

10.30 цагт Г танхимд "Унадаг дугуйтай Улаанбаатар төслийн санаачлагчдын төлөөлөл” МЗХ-ны ерөнхийлөгч А.Мөнхбат, Монголын автозамчин залуучуудын холбооны тэргүүн Мөнхбаясгалан, НЕТГ-ын дэргэдэх "New image" клубын тэргүүн Хан-УУл нар 2012 онд МЗХ-ны санаачлагаар байгуулагдсан "УИХ-дахь залуучуудыг дэмжих лобби бүлэг"-ийн дэд дарга, УИХ-ын гишүүн С.Бямбацогт болон тус бүлгийн гишүүдэд танилцуулж, тэднээр дамжуулан УИХ-д өргөн барих хүсэлтээ илэрхийлнэ.

11.00 цагаас Монгол Улсын сайд, ЗГХЭГ-ын дарга Ч.Сайханбилэг Нээлттэй засгийн түншлэлд нэгдэн орох асуудлаар тус тус мэдээлэл хийнэ.