Чех улсын нийслэл Прага хотноо Дэлхийн “Powerlifting” /Хүндийг өргөлтийн хүчний гурван төрөл/-гийн аварга шалгаруулах тэмцээн болж байгаа билээ. Тэгвэл уг тэмцээнээс манай улсын тамирчин, Монгол улсын  начин Д.Цогзолдорж мөнгөн медаль хүртжээ.

Тэрбээр өнгөрсөн жил ОХУ-ын Новосибирск хотод болсон дэлхийн цомын тэмцээнд амжилттай оролцож  “Powerlifting”-ийн хоёр ч төрөлд мөнгө, хүрэл медалийн эзэн болж байсан юм байна.

“Powerlifting” /Пауэрлифтин/-гийн дэлхийн аварга шалгаруулах “Прага-2013” тэмцээнд гурван мянга гаруй хүчтэн оролцож байгаа бөгөөд Монгол Улсаас 11 тамирчин хүчээ үзэж байгаа аж.

Б.Одон