Нийслэлийн Чингэлтэй дүүргийн дөрөвдүгээр хороо, Байгалийн түүхийн музейн баруун талд их бууны сумны хошуу байна гэсэн мэдээлэл өчигдөр 14:07 цагт Нийслэлийн онцгой байдлын албанд иржээ. Дуудлагын дагуу ОБЕГ-ын болон НОБГ-ын холбогдох мэргэжилтнүүд шуурхай зохицуулалтын арга хэмжээ авахад 20 см-ийн урттай, 85 мм-ийн байлдааны их бууны сумны цэнэгтэй хошуу байсныг илрүүлжээ.

Тус цэнэгтэй хошууг Зэвсэгт хүчний 084 дүгээр ангийн Тэсэрч дэлбэрэх бодисын хайгуул устгалын бүлэг аюулгүй байдлыг ханган устгалд оруулсан байна.