БГД-ийн 12-р хороонд 5а байранд амьдрах иргэн 47 настай эрэгтэй Д нь согтуурсан үедээ гэрийнхээ 3-н давхрын тагтаар  буух гэж байгаад унаж  нас барсан хэрэг өчигдөр гарлаа. Хэргийг БГД-ийн цагдаагийн нэгдүгээр хэлтэс  шалгаж байна. Мөн уржигдар буюу энэ сарын 28-нд Сонгинохайран дүүрэгт  40 настай эрэгтэй согтууруулах ундаа хэрэглэсэн үедээ гэрийнхээ тооноор орох гэж байгаад хоолойгоо боймилж нас барсан хэрэг гарсан юм.

 Энэ мэт согтуу иргэд өөрийгөө хохироох болоод бусдыг гэмтээх, улмаар амь насанд нь хүрэх тохиолдол буурахгүй байна. Тиймээс Нийслэлийн цагдаагийн газраас ойр дотны хэн нэгэн чинь архи ууж согтуурсан бол хараа хяналтаа сайжруулж, яаралтай арга хэмжээ авч байхыг анхааруулж байна.