Өнгөрсөн өдрүүдэд Монголын Хүүхдийн ордонд “Хүүхдийн найрал дууны улсын уралдаан” боллоо. Тэгвэл уг уралдаанд Чингэлтэй дүүргийн тавдугаар дунд сургууль тэргүүн байрыг эзэлсэн байна. Харин удаах байруудад Баянзүрх дүүргийн 84-р дунд сургууль, гуравдугаар байрыг Чингэлтэй дүүргийн 39-р дунд сургуулийн найрал дууны хамтлаг тус тус эзэлжээ.

Дашрамд дуулгахад, “ Хүүхдийн найрал дууны улсын уралдаан”-ыг нийслэлийн Засаг даргын ивээл дор энэхүү наадмыг 21 дэх жилдээ зохион байгуулсан бөгөөд  нийслэлийн есөн дүүргийн ЕБС-ийн дуу хөгжмийн багш нар, 90 гаруй сургуулийн найрал дууны 6000 гаруй хүүхэд багачууд авьяас чадвараараа өрсөлдсөн байна.

Б.Одон