Эдийн засгийн хөгжлийн сайдын зөвлөх бөгөөд Хөгжлийн банкны гүйцэтгэх захирал н.Мөнхбат хэмээх эрхэм гуравхан сарын дотор 1 тэрбум төгрөгийг салхинд хийсгэх гайхалтай нэгэн “санаа” олжээ. Уг  санаа нь юу гэвэл Хөгжлийн банкны үйл ажиллагааг сурталчилах зорилгоор “Bloomberg TV Mongolia” телевизтэй нэг тэрбум төгрөгийн гэрээ хийх гэнэ. Хамгийн хачирхалтай нь Хөгжлийн банкаа сурталчилж, тус телевизийн эфирт зочин суух эрх нь гуравхан сар байхаар гэрээ хийх талаар яригдаж байгаа аж. Харин түүний энэхүү ер бусын санааг тус банкны ТУЗ-ын зарим гишүүд эсэргүүцэн, гэрээ хийх эрх хүссэн албан бичиг дээр нь гарын үсгээ зурж өгөхгүй зовоож байгаа сурагтай.

fsd

Зах зээлийн нийгэмд шилжсэнээс хойш төрийн, хувийн гэлтгүй байгууллагууд өөрсдийн үйл ажиллагаа, хийсэн бүтээснээ сурталчилдаг болсон. Энэ бол нууц биш. Гэхдээ гуравхан сар телевизийн эфирээр гарахын төлөө 1 тэрбумыг гарлагадана гэдэг арай ч байж болшгүй зүйл гэлтэй. Төрийн нэрийн өмнөөс үйл ажиллагаа явуулдаг тус банк 1 тэрбумыг хаанаасаа гаргах гэсэн юм бол оо. Арай нөгөө улс эх орны бүтээн байгуулалтад зориулах ёстой “Чингис бонд”-оос минь гаргах гээд төсөвлөж суугаа юм биш байгаа. За яахав, реклам сурталчилгаа хийх ёстой байж болно. Гэтэл тэр 1 тэрбум төгрөг монголын нэгэн хэвлэл мэдээллийн байгууллагад очих байсан бол бас яахав. Ядаж л хүний нохой идэхээр өөрийн нохой ид гэдэг нь болжээ гэж бодохсон.

fsd

Хамгийн гол нь 1 тэрбум төгрөгийг зүгээр л зурагтаар царайгаа харуулсны төлөө гэрээ нэрээр бэлэглэсний оронд хүүхдийн цэцэрлэг, хүн эмнэлэгтээ зарцуулвал илүү ард түмэнд өгөөжтэй баймаар санагдах юм. Аль эсвэл мөхөс би буруу бодоод “Bloomberg TV Mongolia” телевизээр Хөгжлийн банкны гүйцэтгэх захирал н.Мөнхбат эрхэмийн өгөх мэдээллийн үнэ цэнийг дутуу ойлгоод яваа юм болов уу...

dsa

Н.Туг