Өчигдөр Батлан хамгаалах яамны Зэвсэгт хүчин жанжин штабын “Алдар” спорт хорооны өргөтгөлийн багана нурж хоёр хүн гэмтжээ. Энэ талаар тус спорт хорооны удирдлагаас тодруулахад “Өргөтгөлийн багана нурсан нь үнэн. Гэхдээ гэмтэл авсан сонгогчийн биеийн байдал гайгүй байгаа. Бусад мэдээллийг гүйцэтгэгч байгууллагаас тодруул” гэв.

Эх сурвалжийн мэдээлж буйгаар тус өргөлтгөлийн барилгын ажлыг мэргэжлийн бус хүмүүс болох Зэвсэгт хүчний 017 дугаар анги, Цагдаагийн академийг төгссөн 30 сонсогчид барьсан гэх мэдээлэл байна. Тэднийг хурандаа н.Дамба-Очир ахлаж байжээ.

Дашрамд дуулгахад, багана нь нурсан тус өргөтгөлд цогцолбор бокс, бөхийн төрлүүд, сагсан болон гар бөмбөгийн, буудлагын танхим болон тамирчдын амралт, нөхөн сэргээлтийн төв байрших юм байна.

Б.Одон