Хөдөлмөрийн аюулгүй байдал, эрүүл ахуйн чуулга уулзалт болно
Монгол Улсад уул уурхайн олборлох үйлдвэрлэлийн салбар, түүнийг дагаад бусад олон салбар хурдацтай хөгжиж байгаа. Энэ үед хөдөлмөрийн аюулгүй байдал, эрүүл ахуйн стандарт түүнд тавигдах шаардлагыг өндөржүүлэх нь чухал асуудал болсон. Хөдөлмөрийн аюулгүй байдал, эрүүл ахуйн асуудал нь компанийн удирдлагын хийгээд нийгмийн хариуцлагын олон талт стратегийн салшгүй нэгэн хэсэг.
Тиймээс үүнд дэмжлэг үзүүлэхээр Герман Олон Улсын Хамтын Ажиллагааны Нийгэмлэгийн Эрдэс баялаг, Түүхий эдийн Иж бүрэн Санаачлага хөтөлбөрөөс “Хөдөлмөрийн аюулгүй байдлын менежментийн жишиг загвар бий болгоход дэмжлэг үзүүлэх” төслийн хаалтын чуулга уулзалтыг өнөөдөр зохион байгуулах гэж байна.
Чуулга уулзалтаар Хөдөлмөрийн аюулгүй байдлын салбар дахь урьдчилан сэргийлэлт, хэрэгжүүлэлт ба хяналтын тогтолцооны талаар Монгол, Германы мэргэжилтнүүд туршлагаа хуваалцах болно.
Ц.Зол
СЭТГЭГДЭЛ БИЧИХ