Эрх мэдлээ ашиглан бусдаас их хэмжээний мөнгө завшсан гэх үндэслэлээр УИХ-ын гишүүн асан Д.Дондогт эрүүгийн хэрэг үүсгээд байгаа билээ. Түүнд холбогдох хэргийг өнгөрсөн хоёрдугаар сарын 25-нд Сүхбаатар дүүргийн шүүх хэлэлцсэн боловч хэргийн баримт хангалтгүй, нэмж шалгах зүйл байгаа гэх шалтгаанаар нэмэлт мөрдөн байцаалтад буцааж байсан юм. Харин Улсын прокурор анхан шатны шүүхийн дээрх шийдвэрийг эсэргүүцэн давж заалдах шатны шүүхэд хандсан гэнэ.  Тиймээс прокурорын  тус эсэргүүцлийг Нийслэлийн шүүх хүлээн авч, Д.Дондог нарт холбогдох хэргийг энэ сарын сүүлээр дахин хэлэлцэхээр болжээ.

УИХ-ын гишүүн асан Д.Дондог нь “Меритон” ХХК-д хотын “А” зэрэглэлийн бүсэд газар олж өгнө гэж “Сум бар” ХХК-ийн захирал А.Батбилэг, өөрийн туслах Д.Сайнбаяр нараар дамжуулан 400 сая төгрөг авсан гэх хэрэгт сэжигтнээр татагдаад байгаа юм.