Өнөөдөр 10.00-14.00 цагийн хооронд Улаанбаатар хотын Захирагчийн ажлын алба өнгөрсөн нэг жилийн хугацаанд хийсэн ажлаа тайлагнах ажээ. Тиймээс “Ажлаа танилцуулах нээлттэй хаалганы өдөрлөг”-ийг Хангарьд ордны нэгдүгээр давхарт зохион байгуулахаар болсон байна.  Уг өдөрлөгийн үеэр хэлтсүүд энэ онд хийсэн томоохон ажлуудын талаар мэдээлэл өгч, иргэдэд нээлттэй үйлчлэх юм.  Мөн нээлттэй хаалганы өдрөөр иргэн худалдаа, үйлчилгээ эрхлэгчдэд тусгай зөвшөөрөл олгох журам, “Ахмадын орон сууц” хөтөлбөр гэх мэт хотын үйлчилгээтэй холбоотой олон асуултанд хариулт өгөх аж.

Б.Одон