Манай улсын хэмжээнд ургац хураалт хэдэн хувьтай байгааг ҮХААЯ-наас танилуулж байна. Өнөөдрийн байдлаар 60.9 мянган га-г ангилан хадаж, 57.5 мянган га-г цайруулан, 198.9 мянган га-г шууд хурааснаар нийтдээ 256.5 мянган га-аас 331.1 мянган тонн үр тариа хураан авчээ. Харин 14.3 мянган га-аас 182.9 мянган тонн төмс, 8 мянган га-аас 99.7 мянган тонн хүнсний ногоо хураасан байна. Өнөөдрийн байдлаар үр тарианы хураалт 88.3 хувь, төмсний хураалт 94.4 хувь, хүнсний ногооны хураалт 98.7 хувьтай явагдаж байна.

Ургац хураалтын явцыг өнгөрсөн оны мөн үетэй харьцуулахад үр тариа 16.1 хувиар илүү байгаа бол төмс, хүнсний ногооны хураалт өнгөрсөн оны мөн үеийн түвшинд байгаа аж. Тариалан эрхлэлтийг дэмжих сан  161 аж ахуйн нэгж, иргэдээс  17.2 мянган тонн буудай хүлээн аваад буй юм байна.

Цаг уур орчны шинжилгээний газраас ирүүлсэн мэдээллээр 10 дугаар сарын 16-нд баруун зүгийн нутгийн баруун хэсгээр хур тундас, уулархаг нутгаар цас орох юм байна. Алтай, Хангай, Хэнтийн уулархаг нутгаар шөнөдөө 13-18 хэм, өдөртөө 3-8 хэм хүрч хүйтрэх төлөвтэй байгаа аж. Уг мэдээг салбарын яамнаас орон нутгийн ургацын штабд хүргүүлж шуурхай арга хэмжээ авах чиглэл өгчээ.

6

А.Жаргал