“Ноёд” группын эзэн Г.Буяндоржийг ШШГЕГ-ын харьяа Сонсголон дахь 461 дүгээр урьдчилан хорих төвд хоёр сар гаруй хугацаанд саатуулаад байгаа билээ. Тэгвэл Эрүүгийн цагдаагийн газрын ажилтнууд өнгөрсөн долоо хоногт түүнээс дахин байцаалт авсаны дараа хорих хугацааг нь үргэлжлүүлэн саатуулахаар болсон байна. Эх сурвалжийн мэдээлж буйгаар түүнийг дахин нэг сар хорих гэнэ. Мөн түүнд холбогдох хэргийг Улсын мөрдөн байцаах газрын Эдийн засгийн гэмт хэрэгтэй тэмцэх тасгаас харъялалын дагуу Улсын прокурорын дэргэдэх мөрдөн байцаах албанд шилжүүлсэн байна.

 Учир нь тэрбээр бусдыг залилсан, авлига өгсөн зэрэг хэд хэдэн хэрэгт буруутгагдан шалгагдаж байхдаа мөрдөн байцаалтаас оргон зайлсан гэх үндэслэлээр саатуулагдаад байгаа юм.