Хэд хэдэн удаа сонгуульд дараалан ялагдсан МАН-ын залуус нэгдэж, "Шинэчилье" нэгдсэн хөдөлгөөнийг байгуулж, намын дүрмийг өөрчилж, удирдлагуудад хариуцлага тооцох ёстой хэмээн дуу хоолойгоо нэгтгэж байсан. Тэгвэл сүүлийн үед тус хөдөлгөөний удирдах зөвлөлийн гишүүн, УИХ-ын гишүүн Н.Номтойбаярыг "Шинэчилье" нэгдсэн хөдөлгөөнөөсөө татгалзах болсон талаар зарим сайтууд бичиж байна. Энэ асуудлыг өөрөөс нь тодруулахад “Тийм зүйл огт байхгүй. Би “Шинэчилье” нэгдсэн хөдөлгөөнөөс гарахгүй. Манай намын залуус хэд хэдэн сонгуульд ялагдсан шалтгаанаа эв нэгдэлтэй холбон ойлгож байгаа. Тиймээс юун түрүүнд намынхаа эв нэгдлийг бататгах гэж  бид хичээж ажиллаж байна” гэв.