Манай улсын хувьд уул уурхай, барилга, хөнгөн үйлдвэрийн салбарт эрчимтэй хөгжиж байгаа энэ үед үйлдвэрлэлийн осол, ажлын байрны эрүүл ахуйн асуудлаас үүдсэн элдэв золгүй тохиолдол өссөөр байна.

Тэгвэл өчигдөр Баянзүрх дүүргийн 12-р хороонд “Батширээт” ХХК-ний баригдаж байгаа барилга дээр Хэнтий аймгийн Батширээт сумын харьяат иргэн 25 настай эрэгтэй А, мөн сумын харьяат иргэн 23 настай эрэгтэй нар угсардаг төмөр шат зөөж байгаад өндөр хүчдэлийн шугаманд хүрч тогонд цохиулж нас баржээ. Хэргийг Баянзүрх дүүргийн цагдаагийн 1-р хэлтэст шалгаж байна.

Б.Одон