"Эрдэнэт" үйлдвэр ТӨҮГ-ын 49 хувь мөн Дарханы төмөрлөгийн үйлдвэр ТӨХК, Хөтөлийн цемент шохой ХХК-ийн тодорхой хувьтай холбоотой хэргийн шүүх хурлын урьдчилсан хэлэлцүүлэг Сүхбаатар, Чингэлтэй дүүргийн Эрүүгийн хэргийн анхан шатны шүүхэд болж байна. Энэ хэрэгт Д.Эрдэнэбат нарын 20 хүн 2 хуулийн яллагдагчаар татаад байгаа юм. 

Шүүх хуралдаааны эхэнд шүүгч ирц танилцууллаа. Үүний дараа шүүгчийн зүгээс хэдэн хэдэн өмгөөлөгч шүүх хуралдаан хойшлуулах хүсэлт гаргасан талаарх мэдээллийг өглөө. Харин ирцтэй холбогдуулан хуралд оролцож байгаа прокуроруудын зүгээс  "Зарим хэргийн оролцогч, өмгөөлөгч нараас шүүх хуралдаанд оролцох боломжгүй тухай хүсэлт гаргасан байна. Ганбатын өмгөөлөгч Төв аймагт зарлагдсан хуралтай, Мөнхтуяа өмгөөлөгч болон бусад өмгөөлөгчөөс шүүх хуралдааныг хойшлуулж өгнө үү? гэх хүсэлтийг гаргажээ. Шүүх хурлын урьдчилсан хэлэлцүүлгийн товыг 10 гаруй хоногийн өмнө мэдэгдсэн байна. Нэгэнт товлогдсон шүүх хурлыг зайлшгүй үргэлжлүүлэх шаардлагатай гэж үзэж байна. Хуралдааныг үргэлжлүүлэх саналтай байна. Хурал дөхсөн үед гэрээ байгуулаад хэргийн материалтай танилцлах хүсэлт гаргаад байна. Мөрдөн шалгах явцад ч шүүхийн шатанд ч хангалттай хугацаа олгосон учир шүүх хуралдааныг үргэлжлүүлэх хүсэлтэй байна" гэсэн саналыг хэллээ. 

Үүний дараа  яллагдагч нарын өмгөөлөгч нар хэргийн материалтай танилцах хүсэлт гаргаж, шүүх хурлыг хойшлуулах санал гаргалаа.