Шинэ хамбыг ширээнд залах ёслол энэ сарын 18-нд болох талаар Гандантэгчэнлин хийдээс мэдээллээ.

Тодруулбал, Монголын бурхан шашны Төв-Гандантэгчэнлин хийдийн Тэргүүн их хамба, ХХХ Хамба номун хан, гэвш лхаарамба Д.Жавзандорж ламыг ширээнд залах ёслол хүндэтгэлийн үйл ажиллагаа XVII жарны “Үзэсгэлэн болгогч” хэмээх усан туулай жилийн өвлийн эхэн харагчин гахай сарын шинийн тавны өлзий бэлэгт өдөр Батцагаан цогчэн дуганд зохион байгуулагдана.