Чуулганы үдээс хойших хуралдаанаар 2024 оны төсвийг хэлэлцэж байна. 

Хэлэлцүүлгийн үеэр ХНХ-ын сайд Х.Булгантуяа "2024 онд төрийн албан хаагчдын цалинг инфляцитай уялдуулж 10 хувиар нэмэгдүүлэхээр тооцсон. 2024 төсөвт төрийн нийтлэг үйлчилгээний албан хаагчдын цалинг 20 хувиар, төрийн бусад албан хаагчдын цалинг 10 хувиар нэмэгдүүлэхээр тооцож оруулсан. Үүнд 532.4 тэрбум төгрөг төсөвлөгдсөн.

Харин хөдөөгийн суманд ажиллаж байгаа 55.8 мянган төрийн албан хаагчдын үндсэн цалинг 40 хувь, аймгийн төвийн сум, нийслэлийн алслагдсан гурван дүүрэг ажиллаж байгаа 53.4 мянган төрийн албан хаагчдын цалинг сар бүр үндсэн цалингийн 20 хувиар нэмж тооцохоор олгосон. Ингэснээр 105.2 мянган төрийн албан хаагчдад орон нутгийн нэмэгдэл 20-40 хувиар олгогдоно. Мөн 21 аймаг Улаанбаатар хотын алслагдсан гурван дүүрэгт тогтвор суурьшилтай ажиллаж байгаа төрийн захиргааны албан хаагчдад таван жил тутамд 6 жилийн нэмэгдэл олгоно. Үүний үр дүнд төрийн мэргэжлийн үйлчилгээ буюу багш, эмч нарын цалингийн доод хэмжээ 1.1 сая, суманд 1.5 болж байна" гэлээ.