Иргэн Д.Амартүвшингээс Улсын дээд шүүхэд 2023 оны 10 дугаар сарын 16-ны өдөр өргөдөл хүргүүлжээ.  Уг өргөдөл нь “Либертари нам үүсгэн байгуулсныг улсын бүртгэлд бүртгүүлэх” агуулгатай байгаа талаар Дээд шүүхээс мэдээлжээ.

Комедиан Амараа гэдгээрээ илүү олон нийтэд танигдсан Д.Амартүвшингийн "Монголын либертари" нам нь чөлөөт зах зээлийн үзэл санаагаар нэгдсэн хүмүүсийн нэгдэл байх бөгөөд ашгийн бус, зөвхөн гишүүдийн татвараас санхүүждэг байх зарчим баримталж буй юм байна.