Ерөнхий сайд Л.Оюун-Эрдэнэд бодлогын зөвлөгөө өгөх, шаардагдах үйлчилгээ дэмжлэг үйлчилгээ үзүүлэх үндсэн үүрэг бүхий Ажлын алба бий. Ерөнхий сайдын ажлын албанд нэг ахлах зөвлөх, 10 зөвлөх, хоёр референт, хоёр шинжээч, нэг шадар туслах ажилладаг. Мөн мөн хэвлэл мэдээллийн газар хэлтэс, үг итгэлийн хэлтэс бий. 

Тус ажлын албаны төсвийн захирагчаар Б.Ганбат ажилладаг. Түүний хувьд өнгөрсөн саруудад Ерөнхий сайдын ажлын албаны хөрөнгийг хэрхэн зарцуулснаа Шилэн дансандаа дараах байдлаар тайлагнажээ.  Ерөнхий сайдын ажлын алба он гарснаас хойш буюу өнгөрсөн есөн сарын хугацаанд ТАВАН тэрбум төгрөгийг захиран зарцуулсан байна.

• Нэгдүгээр сард  737 сая төгрөгийн санхүүжилт авч, Шилэн дансны мэдээлэлдээ буюу цалингийн зардлаас бусад таван сая төгрөгөөс дээш үнийн дүн бүхий зарлагын мөнгөн гүйлгээний тайландаа 12 сая төгрөгийн зарлага гаргаснаа мэдээлжээ

• Хоёрдугаар сард улсын төсвөөс 443 төгрөгийн санхүүжилтийг төсвөөс авсан бөгөөд Шилэн дансандаа зарлагын хэсэгт ямар нэг мэдээлэл оруулаагүй байна. 

• Гуравдугаар сард улсын төсвөөс 355 төгрөгийн санхүүжилтийг төсвөөс авч, ЗУРГААН сая төгрөгийг үйлчилгээний төлбөр нэрээр зарлагадсан байна. 

• Дөрөвдүгээр сард улсын төсвөөс 421 сая төгрөгийн санхүүжилт авч таван сая төгрөгөөс дээш зарлага гаргажээ

• Тавдугаар сард улсын төсвөөс 313 сая төгрөгийн санхүүжилт авч үйлчилгээний төлбөр нэрээр найман сая төгрөгийн зарлага гаргасан байна

• Зургаадугаар сард улсын төсвөөс 1 тэрбум 480 сая төгрөгийн санхүүжилт авч үйлчилгээний төлбөр нэрээр 15 сая төгрөгийн зарлага 

• Долоодугаар сард улсын төсвөөс 170 сая төгрөгийн санхүүжилт авч 26 сая төгрөгийг гэрээт ажил үйлчилгээний төлбөр нэрээр шилжүүлэг хийжээ.

• Наймдугаар сард улсын төсвөөс 103 сая төгрөгийн санхүүжилт авч таван сая төгрөгөөс дээш зарлага гаргаагүй байна.

• Есдүгээр сард улсын төсвөөс ТЭРБУМ төгрөгийн санхүүжилт авч  Орон нутагт ажилласан тийзний зардлын төлбөрт 11 сая төгрөг, засвар үйлчилгээний төлбөрт 22 сая төгрөг зарцуулсан байна. 

П.ГОО