Төрийн өмчит компани, ААН-үүдийн өмч хөрөнгө болон орлого нь нэмэгдээд буй хэрнээ өгөөжгүй байсаар өнөөдрийг хүрсэн. Иймээс Засгийн газраас 36 төрийн өмчит компанийн 34 хүртэлх хувийг олон нийтэд хувьчлах шийдвэр гаргасан. Үүнд Цахилгаан дамжуулах үндэсний сүлжээ ТӨХК багтсан юм. Тус компани нь Улаанбаатар хот, 18 аймаг, 300 гаруй сум, сууринг хамран үйл ажиллагаа явуулдаг ч ийнхүү өгөөжгүй компаниудын тоонд орж хувьчлагдах компаниудын нэгээр нэрлэгдсэн юм.

Тэгвэл Цахилгаан дамжуулах үндэсний сүлжээ ТӨХК-ийн удирдлагаар ажилладаг Б.Дашдаваа ямар орлоготой вэ?

Цахилгаан Дамжуулах үндэсний сүлжээ ТӨХК-ийн Ерөнхий инеженер Б.Дашдаваа өнгөрсөн 2022 онд жилийн 144 сая төгрөгийн орлого олсон байна. Харин гэр бүлийн гишүүд нь 2021 онд 145 сая төгрөгийн орлого олж байсан бол өнгөрсөн 2022 онд орлого нь огцом өсөж 337 сая төгрөгт хүрсэн байна. 

Б.Дашдаваа инженерийн хөрөнгөөс анхаарал татаж байгаа зүйл нь үл хөдлөх хөрөнгийн үнэлгээ 2021 онд ГУРВАН ОРОН СУУЦ, нэг ЗУСЛАНГИЙН БАЙШИН, нэг АВТО ЗОГСООЛОО 382 сая төгрөгөөр үнэлж байв. Харин 2022 оны хөрөнгө орлогын мэдүүлэгтээ ГУРВАН ОРОН СУУЦ, нэг ЗУСЛАНГИЙН БАЙШИН, нэг АВТО ЗОГСООЛ дээр нэмэгдээд нэг дуусаагүй барилга мэдүүлжээ. Эдгээрийн нийт үнэлгээ нь 987 сая төгрөг байна. Хувьдаа ямар нэг бизнесгүй ч ийнхүү үл хөдлөх хөрөнгийн үнэлгээ нь өссөөр байна. 

Тэднийх өмчлөх эрхтэй нэг, өмчлөх эрхтэй гурван газартай. Мөн Toyota, Land Cruiser 100, Harrier маркийн хоёр машинтай бөгөөд хоёуланг нь нийлүүлээд 64 сая төгрөгөөр үнэлсэн байна.