Apple компанийн бүтээгдэхүүнийг угсардаг, Энэтхэгийн Pegatron үйлдвэрт гал гарсны улмаас үйл ажиллагаа нь зогсохоос аргагүй болжээ. Энэ талаар Ройтерс агентлаг мэдээлсэн байна. 

Эх сурвалжийн мэдээлснээр, ням гарагаас даваа гарагт шилжих шөнө Энэтхэгийн тамилнад мужид байх Pegatron үйлдвэрт гал гарчээ. Энэ галыг унтраахаар гал сөнөөгчид таван цаг ажилласан байна. Улмаар даваа гарагт үйлдвэрийн эхний хоёр ээлжийн ажлыг зогсоосон бөгөөд үйлдвэрийн үйл ажиллагаа хэзээ сэргэх нь тодорхойгүй байгаа аж. 

Эх сурвалжийн мэдээлснээр, оч үсэрснээс үүдэн лгал гарсан, гал түймрээс үүдэлтэй хохирол нэг их биш гэнэ. Энэ үйлдвэрт Энэтхэгт угсардаг Apple компанийн гар утасны 10 хувийг үйлдвэрлэн гаргадаг аж. Өнгөрсөн оны есдүгээр сараас эхлэн энэ үйлдвэрт iphone гар утас угсрах ажлыг Тайванийн компанийн захиалгаар хийх болжээ.  

Г.Бямбасүрэн