Украины Тусгаар тогтнолын тунхаглалд тусгасан амлалтыг Украин биелүүлсэн тохиолдолд Украины нутаг дэвсгэрийн бүрэн бүтэн байдлыг ОХУ хүлээн зөвшөөрнө гэж Гадаад хэргийн сайд Сергей Лавров мэдэгджээ. Энэ талаарх мэдэгдлийг тэрбээр НҮБ-ын Ерөнхий ассамблейн 78 дугаар чуулганы дараа хийсэн байна. 

"Бид бүр 1991 онд Украин ЗСБНХУ-ын бүрэлдэхүүнээс гарахдаа баталсан Тусгаар тогтнолын тунхаглалын үндсэн дээр Украины тусгаар байдлыг хүлээн зөвшөөрсөн  <…> Бидний хувьд хамгийн чухал зүйл нь Украин эвслээс ангид орон байж, ямар ч цэргийн эвсэлд нэгдэхгүй гэх заалт байсан" хэмээн Лавров мэдэгдсэн байна.

Түүнчлэн энэ тунхаглалд үндэсний цөөнхийн эрхийг хамгаалах талаар өгүүлэхийн дуур орос хэлний талаарх заалт шууд тусгагдсан байдаг аж.

"Тунхаглалыг тэр л найруулгаар нь, тэр л нөхцөлөөр нь бид энэ улсын нутаг дэвсгэрийн бүрэн бүтэн байдлыг дэмждэг" хэмээн Лавров цохон тэмдэглэжээ.

Гэвч Украин улс Донбасс, Крымийн эсрэг "дайн өдүүлж", өөрсдөө энэ зарчмуудыг зөрчсөн хэмээн Лавров онцолсон байна

"Украины нутаг дэвсгэрийн бүрэн бүтэн байдалтай холбоотой ямар нэг асуудал бидэнд байхгүй. Эргэлт гаргаж, түүнийг дэмжиж, өөрсдийнхөө ард түмний эсрэг дасйн зарлаж, ард түмнээ бөмыбөгдөж эхэлсэн тэр удирдагчид нь л Украины нутаг дэвсгэрийн бүрэн бүтэн байдлыг алдагдуулсан" хэмээн Оросын Гадаад хэргийн сайд мэдэгджээ.

Түүнчлэн, дайн дуусгах хэлэлцээрт бэлэн байгаагаа илэрхийлсэн ч Оросыг "удаа дараа хуурсан тул " Орос галаа зогсоох саналыг огт хүлээн авахгүй гэж Лавров мэдэгдсэн байна. Тиймээс, Украины нутаг дэвсгэрээс Оросын цэргийг гаргахыг санал болгож буй Зеленскийн "энх тайвны томъёолол" нь "хэрэгжих боломжгүй"  гэж тэрбээр цохон тэмдэглэжээ.

Г.Бямбасүрэн