Гадаад улсад суугаа Элчин сайдын үйл ажиллагааны үндсэн зорилго бол албан ёсоор өөрийн улсын эрх ашгийг хамгаалж, улсынхаа дээд удирдлагыг төлөөлөх юм. Гэтэл сүүлийн жилүүдэд Элчин сайд болон Элчин сайдын яамныхан өөрийн орны иргэдийн эрх ашгийг хамгаалахаас илүүтэй, өөрсдөө эрх эрх ямба эдэлж, татвар төлөгчдийн мөнгийг үргүй зарагчдын бүлэг болж хувираад байна. 

Тухайлбал, Монгол Улсаас Бүгд Найрамдах Сингапур Улсад суугаа Элчин сайд С. Энхбаяр он гарснаас хойш 1.3 тэрбум төгрөг захиран зарцуулжээ. Шилэн дансны мэдээллээс харахад энэ зарцуулалт зөвхөн элчин сайдын яамныхны эрх ямба эдлэхэд зарцуулагджээ.

Тэд өөрийн улсын иргэдэд чиглэсэн арга хэмжээ өөрийн улс орноо сурталчилан таниулах зэрэг ажлууд огт хийгдээгүйг Бүгд Найрамдах Сингапур Улсад суугаа Элчин сайдын яамны Шилэн дансны мэдээллээс харж болно. Төсвийн жилийн эхний найман сард зарцуулсан дүн тэрбум, үлдсэн дөрвөн сарын зарцуулалтыг нэмэхэд 2 тэрбум төгрөг хүрэх нь гээд хэлчихвэл буруу хэлсэн болохгүй биз. 

Тэд татвар төлөгчдийн мөнгийг ийнхүү захиран зарцуулжээ. Тодруулбал, 

• Нэгдүгээр сард оффисын түрээс, байрны түрээс, хичээл үйлдвэрлэлийн дадлагад нийт 170 сая төгрөгийг зарцуулсан 

• Хоёрдугаар сард   оффис, байрны түрээс, хүүхдийн цэцэрлэгийн төлбөрт 222 сая төгрөгийг зарцуулсан

•  Гуравдугаар сард оффис, байрны түрээс, цэцэрлэгийн төлбөрт 174 сая төгрөгийн зарцуулсан

• Дөрөвдүгээр сард оффис, байрны түрээс, нэг улирлын эрүүл мэндийн даатгал, автомашины даатгал, оффис түрээсийн хугацаа дуусан, шинэ гэрээ хийх зэрэгт  248 сая төгрөгийг зарлагагдсан

• Тавдугаар сард оффис, байрны түрээс, нэг улирлын эрүүл мэндийн даатгал, автомашины даатгалд 157 сая төгрөг зарцуулсан

• Зургаадугаар сард оффис, байрны түрээсэнд 120 сая төгрөг зарцуулсан бол гадаад томилолтод 10 сая төгрөг зарцуулсан байна.

• Долоодугаар сард 112 сая төгрөгийг оффис, байрны түрээсэнд зарцуулсан байна. 

• Харин наймдугаар сард 121 сая төгрөгийн зарлагыг оффис, байрны түрээсэнд зарцуулсан бол Элчин Сайд С.Энхбаярын Бруней улсад Итгэмжлэх жуух бичгээ барих томилолт зардал зэрэгт зарцуулжээ.