ОХУ Украинд дайн өдүүлснээс хойш олон мянган цэргийн техникээ байлдааны талбарт алдсан, тэдгээрийн дунд С-400 комплекс тав байгаа гэж Newsweek мэдээлжээ. 

Тодруулбал, ОХУ байлдааны талбарт 12 000 нэгж цэргийн техникээ алдсаны дотор Оросын Агаар сансрын хүчний гол зенит-пуужингийн комплекс болох С-400-ийн бүрэлдэхүүнд багтдаг таван хөөргөх төхөөрөмж багтаж байгаа гэнэ. Эдгээрийн хоёрыг сүүлийн нэг сарын дотор Крымд устгасан гэж эх сурвалж мэдээлжээ. 

Сүүлийн үед Украин агаарын болон тэнгисийн дрон, пуужин ашиглан Крым дэх Оросын цэргийн объектуудад цохилт өгөх нь эрс нэмэгдсэн юм. Ийм ажиллагааныхаа хүрээнд,  наймдугаар сарын сүүлээр болон есдүгээр сард Крымд байх хоёр С-400-г устгажээ.

С-400 Триумф нь ОХУ-ын агаарын довтолгооноос хамгаалах зенит пуужингийн цогцолбор юм. Тус зэвсэглэлийг 1990-ээд оноос эхлэн С-300 агаарын довтолгооноос зенит пуужингийн цогцолбор дээр суурилан, сайжруулах замаар эхэлж, 2007 оноос ОХУ-ын зэвсэглэлдээ авсан. Энэ техникийг устгаснаар ОХУ-ын агаараас эсэргүүцэн хамгаалах орон зайд "нүх үүсгэж", дараа нь үүнийг ашиглах боломжтой гэж шинжээидч үзэж байгаа юм.

Г.Бямбасүрэн