Ням гарагт сүйрч, нисгэгч нь сүйрэхээс өмнө амжиж газардсан F-35 онгоцны сэгийг хайх ажил үргэлжилж, эрэн хайх ажил хүндрэлтэй байгаа тул АНУ-ын Агаарын цэргийн хүчин ард иргэдээс тусламж хүссэн талаарх мэдээлэл гарч байсан. 

Наян сая долларын үнэтэй онгоцоо алдсан Америкийн агаарын хүчин иргэдээс тусламж хүсчээ

Өмнөд Каролинад нисгэгч нь амжиж газардсаны дараа сүйрсэн F-35 "үл үзэгдэгч" сөнөөгч онгоцны хэлтэрхийг  эрлийн багийнхан олжээ. Онгоцны хэлтэрхийнүүд Вильямсбург тойргийн хөдөө нутгаас олдсон байна. Ослын газарт аврах баг ажиллаж байгаа үед энэ бүс нутаг руу зорчихгүй байхыг оршин суугчдад анхааруулжээ.

Энэ онгоц чухамхүү ямар шалтгаанаар сүйрсэн нь одоогоор тодорхойгүй байгаа юм. Ням гарагт ийм хэрэг болсон нь Америкийн Агаарын цэргийн хүчинд сүүлийн зургаан долоо хоногт тохиосон, А ангилалд хамаарах гурав дахь осол болж байна. "А" ангилалд 2,5 сая доллараас дээш хохирол учруулсан, онгоц сүйрсэн, хэн нэгэн амиа алдсан эсвэл хөгжлийн бэрхшээлтэй болсон ослуудыг багтаадаг аж. 

Г.Бямбасүрэн