Америкийн Небраска мужийн төмөр замын өртөөн дээр вагон дэлбэрчээ. Энэ вагон хлорын хүчил тээвэрлэж явсан бөгөөд осол болсны дараа ойролцоох хүн амыг яаралтай нүүлгэн шилжүүлэх ажлыг эхлүүлсэн гэж NBC мэдээлсэн байна. 

Эх сурвалжийн мэдээлснээр, энэ осол есдүгээр сарын 14-ний 12:10 цагт болжээ. Дэлбэрэлтийн улмаас гал түймэр гарч, галын улмаас хортой  утаа тархсан байна. Тиймээс аврах багийнхан ойролцоох бүх замыг хааж, хэргийн газарт гал сөнөөгчид, аврагчид ажиллан, галыг цурманд оруулжээ. 

Тэсрэх бодис, зарим төрлийн хүнсний бүтээгдэхүүн, эм үйлдвэрлэхэд ашигладаг хлорын хүчил тээвэрлэж явсан вагон дэлбэрсний улмаас хүн бэртэж гэмтсэн талаарх мэдээлэл гараагүй. Вагон дэлбэрсэн шалтгааныг тодруулахаар ажиллаж байгаа юм байна.

Г.Бямбасүрэн